Lonnaithe faoi fhad siúil de lár an bhaile, is áit í Páirc Éiceolaíochta agus Ghníomhaíochta Bogaigh Thrá Lí atá beoga ach suaimhneach araon. I measc na n-áiseanna ar an suíomh tá Caifé Taobh Locha, Páirce Éiceolaíochta agus Dúlra, agus scata rudaí eile le déanamh ar nós cuairt féin-threoraithe dúlra, báid troitheáin, zorbáil, falla dreapadóireachta, agus fearas aclaíochta faoin aer, chomh maith le hionad spraoi do leanaí beaga.

Insíonn taispeántas idirghníomhach dúlra den scoth scéal oidhreacht nádúrtha Thrá Lí óna chruthú ársa geolaíochta go dtí dúshláin bhainistíochta na todhchaí. Tugann turas treoraithe dúlra i mbád deis do chuairteoirí súil a leagan ar leithéidí éanlaithe lapadaíle, snáthaidí móra, niúit, froganna, dallóga, agus mamaigh bhogaigh eile, chomh maith le foghlaim faoi stair agus béaloideas an cheantair agus an tslí a ndéantar bainistiú ar limistéir an bhogaigh.

Cuireann túr amhairc atá 20 méadar ar airde radharcanna áille den tearmann 8000 acra ar fáil, agus díobh siúd go bhfuil mianach na heachtraíochta iontu tá falla dreapadóireacht atá 9 méadar ar airde, a sholáthraíonn radharcanna iontacha mar an gcéanna, ach an barr a bhaint amach! I measc na n-imeachtaí eile atá ar fáil ar an suíomh tá báid troitheáin ar cíos, zorbáil uisce, agus báid rámhaíochta. Tá áiseanna leithris, athraithe clúidíní, agus seirbhísí eolais turasóireachta ar fáil san Ionad Cuairteora.

Bain sult as an dúlra fad is a fhoghlaimíonn tú faoi ag Páirc Éiceolaíochta agus Ghníomhaíochta Bogaigh Thrá Lí

Príomh-Mhúsaem Chiarraí – http://www.kerrymuseum.ie/

Lonnaithe i gcroí-lár baile Thrá Lí i bhfoirgneamh stairiúil Halla Cuimhneacháin an Ásaigh, tá Príomh-Mhúsaem Chiarraí ina bhaile ag cuid mhór déantúsán, áiléir idirghníomhacha, agus gníomhaíochtaí a léiríonn saibhreas oidhreacht agus seandálaíocht Chiarraí. Tá sé

d’aidhm ag an músaem oidhreacht Chiarraí a roinnt agus a chur i láthair trí chláir oideachais, taispeántais, imeachtaí, taighde agus foilseacháin. Cnuasaíonn, caomhnaíonn agus coimeádann an Músaem seilbh iontaoibhaithe ar bhreis agus 4,000 déantúsán bainteach leis an gcontae agus a mhuintir, ón gClochaois go suas go dtí an 20ú Chéad déanach. Chomh maith leis an bpríomh-áiléar, tá áiléar do thaispeántais speisialta, Seomra Tom Crean, agus Halla Seandálaíochta, anuas ar roinnt taispeántas sealadacha. Tugtar deis do chuairteoirí taisteal siar in am chun taithí a fháil ar radharcanna, fuaimeanna agus bolathaithe Thrá Lí sa bhliain 1450AD nuair a shiúltar tríd an Eispéireas Meánaoiseach. Is áiléar idirghníomhach é    Na Bleachtairí Cnáimhe a dhéanann iniúchadh ar stair Thrá Lí trí shúile seandálaithe. Léiríonn siúlóid tríd an Eispéireas Meánaoiseach sráideanna Thrá Lí mar a bhíodar um 1450AD, le radharcanna, fuaimeanna agus bolaithe láidre pobail ghnóthaigh. Faigh amach cad a chaith daoine, cad a d’ith daoine, agus cá mbídís ina gcónaí, chomh maith leis an gcúis gurb iad na Gearaltaigh, Iarlaí Deaumhain, a bhunaigh an baile agus a scrios é araon. Le himeachtaí, campaí agus ceardlanna séasúracha ar siúil ar fud na bliana, is iontach an áit do theaghlaigh é Príomh-Mhúsaem Chiarraí.

Ionad Spórt agus Scíthe Chill Airne – https://killarney.coralleisure.ie/

Is áis den scoth é Ionad Spórt agus Scíthe Chill Airne le roghanna ballraíochta agus íoc-mar-a-úsáidtear do dhaoine aonair agus grúpaí de gach cumas. Mar chuid den Ionad tá linn snámha 25m cúig-lána, linnte d’fhoghlaimeoirí agus leanaí, spá sláinte, seomraí cóireála, ionad aclaíochta, stiúidió aclaíochta agus an airéine spóirt faoi dhíon is mó i gCiarraí.