Tá Roinn na gCuntas Iníoctha freagrach as gach íocaíocht a dhéanann Comhairle Contae Chiarraí a phróiseáil

Beartas Íocaíochta le Soláthraithe.
Seo a leanas Beartas na Comhairle maidir le sonraisc a íoc le soláthraithe.

• Soláthraithe a íoc laistigh d’amfráma 15 lá, ag tosú ar an lá a fhaigheann Roinn na gCuntas Iníoctha sonrasc bailí.
• Monatóireacht a dhéanamh ar shonraisc faighte lena chinntiú go ndéantar íocaíochtaí a phróiseáil go tráthúil.
• Treoir shoiléir a thabhairt do sholáthraithe maidir lena ról i ndáil le híocaíocht thráthúil sonrasc a chinntiú.
• Déileáil le sonraisc neamhbhailí agus sonraisc faoi dhíospóid go tráthúil agus de réir na mbeartas reatha.
• Is féidir sonrasc bailí a chur ar fáil go leictreonach nó ar pháipéar agus ní mór na sonraí seo a leanas a chur ar fáil:
• Ainm an tsoláthraí, seoladh agus dáta.
• Uimhir an tSonraisc.
• Uimhir CBL an tSoláthraí agus rátaí/luach glan/comhlán CBL.
• Uimhir PPS mura bhfuil an Soláthraí cláraithe le haghaidh CBL
• Uimhir Ordaithe Ceannaigh na Comhairle. Tabhair faoi deara: Níor cheart go mbainfeadh an Sonrasc ach le hOrdú Ceannaigh amháin, nó cuid de
• Glacfar leis go bhfuil sonraisc ar a bhfuil roinnt orduithe neamhbhailí agus seolfar ar ais chuig an soláthraí iad.
• Sonraí maidir le hearraí seachadta agus obair/seirbhísí curtha i gcrích/curtha ar fáil.
• Sa chás go nglactar le Sonraisc laistigh de raon na Rialach CBL Aisiompaithe (RCT) ba cheart an méid seo a leanas a scríobh ar an sonrasc:
  “TÁ CUNTAS LE DÉANAMH AG AN BPRÍOMHCHONRAITHEOIR AR AN CBL MAIDIR LEIS AN SOLÁTHAR ” agus níor cheart CBL a ghearradh.
• Is é modh riachtanach íocaíochta na Comhairle Ríomhaistriú Airgid (EFT).
• Seolfar fógra maidir le híocaíocht (Duillín Íocaíochta) chuig an seoladh ríomhphoist a sholáthróidh an soláthraí.

Comhlíontacht Cánach
Ní mór go mbeadh Deimhniú Imréitigh Cánach ar líne ag soláthraithe ionas gur féidir íocaíocht a dhéanamh. Tá eolas maidir le ceanglais a bhaineann le Deimhnithe Imréitigh Cánach, Cáin Shiarchoinneálach Seirbhís Ghairmiúil, agus Cáin Chonarthaí Iomchuí (RCT) agus foirmeacha iarratais le fáil ar suíomh gréasáin na gCoimisinéirí Ioncaim.