Ní féidir aisíocaíochtaí mótarchánach a dhéanamh ach go leictreonach chuig cuntas bainc an iarratasóra.

Is féidir iarratais le haghaidh mótarchánach a chur chuig an oifig mótarchánach áitiúil, ar Foirm RF120 i dteannta leis an bhfoirm EFT comhlánaithe ina hiomláine, go ginearálta in imthosca nuair atá

• An fheithicil traipisithe/scriosta (Feithiclí a bhfuil a Ré Caite) nó seolta amach as an Stát go buan, nó
• Tá an fheithicil goidte agus níl sé bainte ag an úinéir, nó
• Tá úinéir na feithicle i ndiaidh éirí as an bhfeithicil a úsáid mar thoradh ar thinneas, gortú nó míchumas fisiciúil eile, nó míchumas fisiciúil, nó
• Tá úinéir na feithicle i ndiaidh éirí as an bhfeithicil a úsáid mar gheall ar neamhláithreacht ón Stát chun críocha gnó nó oideachais, nó
• Tá úinéir na feithicle i ndiaidh éirí as an bhfeithicil a úsáid mar go bhfuil sé/sí i mbun seirbhíse thar lear le hÓglaigh na hÉireann.

Tabhair faoi deara, i ndáil le hiarratais sna himthosca sonraithe ag uimhir 3 thuas nach mór an diosca bunaidh a thabhairt ar ais don oifig mótarchánach áitiúil roimh an dáta tosaigh.

Tá sé tábhachtach a thuiscint nach mór don iarratasóir an diosca cánach ábhartha a ghéilleadh láithreach de bhrí go ginearálta go ndéantar aisíocaíochtaí a ríomh ón gcéad lá den mhí i ndiaidh an diosca a ghéilleadh.

Ní mór go mbeadh íosmhéid de thrí mhí féilire neamhéagtha ar an diosca nuair a ghéilltear an diosca.

Má theastaíonn tuilleadh eolais faoi Aisíocaíochtaí uait déan teagmháil le hOifig Mótarchánach Chiarraí nó ar líne ag www.motortax.ie