Is é ról an Aonaid um Fhorbairt Eacnamaíoch forbairt eacnamaíoch a chur chun cinn agus timpeallacht dhearfach a chothú le haghaidh cruthú post. Cuirtear seirbhísí ar fáil i leith fiosruithe a thagann isteach ó fhoinsí seachtracha agus dírítear ar spriocanna straitéiseacha eacnamaíocha níos fadtéarmaí. Tríd an aonad seo, cuirtear pointe láidir teagmhála ar fáil agus ceangal le gníomhaireachtaí tacaíochta gnó. Áirítear sna príomhréimsí oibre: Margú agus Cur Chun Cinn an Chontae; Líonrú agus Rannpháirtíocht; Pleanáil Eacnamaíoch Straitéiseach; agus Maoiniú a Aithint agus a Fháil le haghaidh fhorbairt eacnamaíoch an Chontae.

Cuimsíonn feidhmeanna an aonaid na gnéithe seo a leanas;

• Contae Chiarraí a mhargú le hinfheisteoirí féideartha, fiontraithe agus daoine aonair. Líonra an Mhoil Fiontraíochta a mhargú, agus tionscnaimh mhargaíochta eile a chuireann Ciarraí chun cinn mar áit den scoth chun cónaí inti agus chun obair agus infheistíocht a dhéanamh.
• Teagmháil a dhéanamh agus obair go dlúth leis an líonra reatha de ghnólachtaí níos mó agus de chomhlachtaí thar lear.
• Dul i gcomhairle leis na gníomhaireachtaí forbartha fiontraíochta mar fhreagairt ar fhiosruithe a thagann isteach.
• Tacú leis an mbonneagar eacnamaíoch sa Chontae, lena n-áirítear gor agus moil fiontraíochta agus phobail – bunú, inbhuanaitheacht agus forbairt.
• Bheith mar pháirtí i mórthionscadail athraithe sa Chontae
• Tacú le hIonaid Bairr Feabhais agus le Cnuasaigh
• Pleanáil Eacnamaíoch Straitéiseach
• Foinsí maoinithe a aithint agus maoiniú a fháil chun an bonneagar eacnamaíoch a chur chun cinn agus a fhorbairt
• Dul i gcomhairle leis an bhFóram Scileanna Réigiúnach agus Institiúidí Tríú Leibhéil maidir le forbairt scileanna
• Pleanáil talamhúsáide agus socrú tosaíochtaí
• Na Bearta Eacnamaíocha Straitéiseacha de Phlean Áitiúil Eacnamaíochta agus Pobail Chiarraí 2016-2022 a chur i ngníomh.

Sonraí Teagmhála: