Is clár oideachais dírithe ar an timpeallacht é Scoileanna Glasa atá á reáchtáil ag An Taisce i gcomhar le hÚdaráis áitiúla ar fud na hÉireann. Is clár fadtéarmach atá á threorú ag mic léinn é Scoileanna Glasa, agus baineann mic léinn tairbhe as ionchur ón bpobal trí chéile.

Tugann Scoileanna Glasa deis do bhunscoileanna agus do mheánscoileanna ról lárnach a bheith acu sna hiarrachtaí atá á ndéanamh chun an timpeallacht a chosaint, agus díríonn mic léinn ar na 10 dtéama seo a leanas:

• Bruscar agus Dramhaíl
• Fuinneamh
• Uisce
• Taisteal
• Bithéagsúlacht
• Saoránacht Dhomhanda – Bruscar agus Dramhaíl
• Saoránacht Dhomhanda – Fuinneamh
• Saoránacht Dhomhanda – Timpeallacht Mhuirí
• Saoránacht Dhomhanda – Taisteal
• Saoránacht Dhomhanda – Bia agus Bithéagsúlacht

Tá stádas Scoileanna Glasa bronnta ar go leor scoileanna i gCiarraí agus tá Bratach Ghlas, a bhfuil aitheantas idirnáisiúnta aici, ar crochadh acu mar fhianaise ar a dtiomantas don timpeallacht.

Tá an t-eolas ar fad maidir le Scoileanna Glasa, lena n-áirítear foirmeacha iarratais, lámhleabhar, ábhair thacaíochta, le fáil ag Scoileanna Glasa.