Tá monatóireacht ar cháilíocht an aeir mórthimpeall na tíre á treorú ag an nGníomhaireacht um Chaomhnú Comhshaoil (GCC) faoin gClár Monatóireachta Náisiúnta um Cháilíocht an Aeir Chomhthimpeallaigh (CMCAC).   Mar chuid den chlár seo, tá líonra náisiúnta de stáisiúin mhonatóireachta cháilíocht an aeir chomhthimpeallaigh bunaithe agus tá sonraí cháilíocht an aeir, fíor-ama agus stairiúla, ar fáil dóibh an t-am ar fad. Lena chois sin, bhunaigh GCC Innéacs um Cháilíocht an Aeir do Shláinte (ICAS), bunaithe ar scála idir 1 (Cáilíocht an Aeir go Maith) agus 10 (Cáilíocht an Aeir An-lag). Soláthraíonn an t-innéacs seo léargas maidir le cibé acu an bhféadfadh nó nach bhféadfadh an poitéinseal a bheith ag cáilíocht an aeir i do cheantar tionchar a imirt ar shláinte an duine.

Tá an GCC, le tacaíocht ó Chomhairle Contae Chiarraí, freagrach as dhá stáisiún monatóireachta cháilíocht an aeir chomhthimpeallaigh bhuana i gContae Chiarraí.  Soláthraíonn na stáisiúin sin, atá lonnaithe i gCoimpléasc na Leabharlainne i dTrá Lí agus in Ionad  ANAM i gCill Airne, sonraí fíor-ama maidir le leibhéil cáithníneach (PM_2.5 agus PM₁₀).  Tá tacar samplach sonraí don stáisiún i gCill Airne curtha ar fáil thíos:

Le cois na sonraí fíor-ama a chur ar fáil, mhéadaigh an GCC an clár chun Léarscáileanna Réamhaisnéise Cháilíocht an Aeir a chur san áireamh, a thuarann cáilíocht laethúil an aeir bunaithe ar Innéacs Cháilíocht an Aeir do Shláinte i gcomhair suas le 3 lá (inniu, amárach agus arú amárach). Tá léarscáil réamhaisnéise shamplach le fáil thíos:

Tá an fhaisnéis ar fad a bhaineann le clár monatóireachta cháilíocht an aeir chomhthimpeallaigh, lena n-áirítear na sonraí is déanaí maidir le cáilíocht an aeir agus rátálacha ICAS le haghaidh na suíomhanna monatóireachta i gContae Chiarraí le fáil ar shuíomh gréasáin an GCC, tríd an nasc seo a leanas: www.airquality.ie.