Ar líne ag www.motortax.ie

Is seirbhís shlán é Mótarcháin Ar Líne atá á soláthar ag an Roinn Iompair, a chuireann ar chumas custaiméirí mótarchánach cáin a chur ar a bhfeithiclí ar líne trí úsáid a bhaint as Uimhir PIN atá sonraithe ar a bhfógra maidir le hathnuachan mótarchánach RF100B a sheolann an Roinn Iompair chuig custaiméirí.

Go hiondúil is féidir cáin a chur ar fheithiclí ar líne trí úsáid a bhaint as na 6 dhigit dheireanacha de d’uimhir Deimhniú Cláraithe Feithicle mar an PIN a theastaíonn chun an tseirbhís ar líne a úsáid. Tá an uimhir seo (a thosaíonn leis an litir C) le fáil ag an gcúinne in uachtar ar thaobh na láimhe deise de do Dheimhniú Cláraithe Feithicle.
Sa chás go bhfuil cáin á cur ar fheithicil nua nó iompórtáilte den chéad uair, is ionann an PIN agus na 6 charachtar dheireanacha d’uimhir fonnaidh d’fheithicle mar atá priontáilte ar d’Fhoirm RF100. Ba cheart go mbeadh d’Fhoirm RF100 faighte agat ó do dhíoltóir mótarfheithiclí nó ón NCTS.
Mura bhfuil ríomhaire agat sa bhaile, is féidir leat do mhótarcháin a athnuachan ar líne trí úsáid a bhaint as rochtain Idirlín atá ar fáil i do leabharlann áitiúil.
Mura bhfuil tú in ann do PIN a aimsiú nó má tá aon cheist eile agat maidir leis an tseirbhís chánach ar líne, ba cheart duit teagmháil a dhéanamh leis an Roinn Iompair ag an uimhir 0818 411 412

Tríd an bpost nó go pearsanta
Tá 3 fhoirm ann ar féidir leat iad a úsáid chun iarratas a dhéanamh ar mhótarcháin:

1. RF100 – seo an fhoirm a fhaigheann tú ó do dhíoltóir mótarfheithiclí nó ón Ionad NCT nuair a cheannaíonn tú feithicil nua nó nuair a iompórtálann tú feithicil. Úsáidtear an fhoirm seo má tá cáin á cur ar fheithicil den chéad uair agus ní chun mótarcháin a athnuachan.
2. RF100A – is foirm bhán athnuachana mótarchánach é seo
3. RF100B – is foirm ríomhghinte athnuachana é seo a eisíonn an Roinn Iompair agus a sheoltar chugat tríd an bpost nuair atá do cháin ar tí dul in éag (agus d’fhéadfadh go mbeadh PIN ann chun cead a thabhairt duit cáin a chur ar d’fheithicil ar líne).

Is féidir leat do rogha modh íocaíochta a úsáid – dréacht bainc, seic, Ordú Poist nó Airgid, nó roinn shonraí an Chárta Chreidmheasa a chomhlánú ar an bhfoirm. Ná seol airgead tríd an bpost.
Is féidir leat do mhótarcháin a athnuachan am ar bith i rith na míosa a rachaidh do dhiosca mótarchánach reatha in éag, agus is féidir leat íoc le hairgead agus le cárta creidmheasa, seic / Dréacht Bainc, nó Ordú Poist / Airgid más mian leat chomh fada le d’Oifig Mótarchánach áitiúil.
Ba cheart go mbeadh seiceanna iníoctha le ‘Oifig Mótarchánach Chiarraí’.