Beidh ár seirbhís saor in aisce cathaoireacha rothaí trá ar fáil arís an samhradh seo ag roinnt dár dTránna Brataí Goirme: Baile an Sceilg, Baile an Bhuinneánaigh, an Bheannach, an Inse, Ros Beithe, an Fhianait, Baile Uí Thaidhg, Ceann Trá agus an Machaine/Caisleán Ghriaire ó Lár Mhí Meithimh go dtí Lár Mhí Mheán Fómhair 2024. Táimid in ann an tseirbhís seo a sholáthar a bhuíochas le maoiniú faighte ón Roinn Leanaí agus Gnóthaí Óige agus ó Scéim an Bhonneagair Áineasa Amuigh faoin Aer.

Is féidir na cathaoireacha rothaí a úsáid SAOR IN AISCE, ach ní mór iad a chur in áirithe roimh ré. Tá siad ar fáil ag na suíomhanna seo a leanas agus is féidir iad a chur in áirithe i gcomhair tréimhse suas le 3 huair an chloig (ag brath ar éileamh).

Téarmaí, Coinníollacha agus Treoirlínte Úsáide

• Ní mór go mbeadh cúramóir/cúntóir i dteannta le gach úsáideoir cathaoireach chun cabhrú leis nó léi aistriú chuig an gcathaoir agus chun an chathaoir a bhrú, de bhrí nach bhfuil na cathaoireacha rothaí féinghluaiste.
• Ní bheidh na daoine a mbeidh na háirithintí á mbainistiú acu in ann úsáideoirí a aistriú isteach agus amach ón gcathaoir ná úsáideoirí a bhrú ar an trá.
• Ní bheidh gardaí tarrthála in ann cabhrú le daoine chun cathaoireacha rothaí a úsáid.
• Ní mór go mbeadh aitheantas fótagrafach bailí ag gach úsáideoir nuair a bhíonn an chathaoir á bailiú aige nó aici.
• Léigh ár dTéarmaí agus Coinníollacha maidir le húsáid na Cathaoireach Rothaí Hippocampe chun a chinntiú go mbeidh eispéireas taitneamhach agus sábháilte ag gach duine.  Iarrfar ar gach úsáideoir cóip de na Téarmaí agus Coinníollacha a shíniú nuair a bhíonn an chathaoir rothaí á bailiú.
• Cathaoireacha rothaí trá Téarmaí agus Coinníollacha

Má theastaíonn tuilleadh eolais uait déan teagmháil le Roinn Timpeallachta Chomhairle Contae Chiarraí ag an uimhir 066 716 2000 (Uaireanta oifige, Luan – Aoine, 9am – 5pm) nó seol ríomhphost chuig environ@kerrycoco.ie

Iarratas chun Cathaoireacha Rothaí Trá a Úsáid – Lasmuigh de Shéasúr an tSamhraidh Go minic faighimid iarratais chun ár gcathaoireacha rothaí trá a úsáid ag suíomhanna difriúla agus ag amanna difriúla i rith na bliana, taobh amuigh de shéasúr gnóthach an tsamhraidh. Déanfaimid ár ndícheall freastal ar a leithéid sin d’iarratais, nuair a bhíonn an chathaoir rothaí ar fáil agus nuair a bhíonn baill foirne ar fáil chun an chathaoir rothaí a thabhairt chomh fada leis an suíomh iarrtha.

Más mian leat iarratas a dhéanamh chun ár gcathaoireacha rothaí trá a úsáid, lasmuigh de shéasúr an tsamhraidh, seol ríomhphost chuig environ@kerrycoco.ie nó glaoigh ar an uimhir 066 7162000 chun cúnamh a fháil. (Uaireanta oifige, Luan – Aoine, 9am – 5pm).